NINCAPANG KAONENGAN NGWACEN GWANGUN GENERASI INGGIL NGAREPIN ERA GLOBAL
01.11
Matur suksma
majeng ring pengénter
acara, riantuk galahé sida
kapaica ring titiang. Ida dané sinamian sané banget wangiang titiang. Taler para
sameton pamilet lomba sané asihin titiang. Sadurung
nglanturang matur, lugrayang titiang ngastiti bhakti ring Ida Sang Hyang Widhi
Wasa malarapan pagastungkara, Om Swastyastu.
Pangayubagia aturang titiang majeng
ring Ida Sang Hyang Widhi Wasa, duaning wantah sangkaning pasuécan-Ida, mawinan titiang prasida mapadu
wedana ngiring Ida dané
sinamian. Ring galahé sané
becik puniki titiang jagi ngaturang pidarta sané mamurda “Nincapang Kaonengan Ngwacen Piranti Ngwangun
Generasi Inggil Ngarepin Era Global”.
Ida-dané sinamian
sané kusumayang
titiang. Sajeroning nincapang kualitas
SDM sané kabaos generasi
inggil, nénten
pisan dados pasahang ring kaonengan ngwacén utawi kegemaran membaca.
Manut Bapak SBY, generasi inggil inggih punika generasi sané imbang intelektualitas miwah moralitasnyané. Intelektualitas mateges pangwésan aji kaweruhan, moralitas mateges budi satwam utawi
parisolah sané luih utama.
Tegesipun, kaptiang pisan mangdané
iraga sareng sami manados anak wikan,
sané waged, miwah wagmi. Wikan mateges dueg utawi cerdas; waged
mateges terampil, wagmi mateges ahli. Nanging yéning anak wikan nénten maweweh kawicaksanan
utawi kajujuran, majanten nénten pacang mawiguna. Akéh anak wikan ring jagaté,
nanging sané wicaksana utawi jujur kantun arang pisan.
Pinaka conto, akéh élit politiké sané
katiben kasus suap miwah korupsi. Wénten pegawé pajak sampun mabui, wénten
mantan menteri sampun mabui, wénten angga DPR sampun mabui, wénten mantan réktor
mapangkéng ring LP Krobokan, akéh malih sané lianan. Puniki maka imba generasi
sané nénten inggil, duaning kewikanan miwah budi satwamnyané nénten imbang.
Inggih, Ida dané siamian sané banget
wangiang titiang. Ngulatiang parajana Bali sané bénjangan manados generasi
inggil, nénten wénten pamargi tiosan sajaba iraga kayun nincapang kaonengan
ngwacén, ngulik-ngulik sastra, duaning sastra
makasuluh ikang praba. Yéning meled dados anak wikan, patut masuluh ring
sastra aji, yéning meled dados anak wicaksana, patut masuluh ring ajahan agama.
Ida dané sinamian, ri kantun alit
kadi mangkin, ngiring inutin peparikan Baliné kadi asapuniki. “Kedis curik ninggahin gajah, ada nolih ia
makeber, enu cerik anteng malajah, suba kelih dadi dokter”. Dokter puniki
makasimbol aji kaweruhan utawi kawikanan. Tegasipun, yéning meled dados anak
wikan, patut jemet malajah. Wénten malih slogan tiosan sané patut inutin, “Masa muda masa belajar, tiada hari tanpa
belajar”; “Buku gudangnya ilmu,
membaca kuncinya”. Punika mawinan iaga patut nincapang kaonengan ngwacén.
Inggih, para sameton sané asihin
titiang. Ngiring ulengang pikayunané! Sapunapi ja antuk, mangda sayan limbak
aji kaweruhan druéné, manados anak wikan sané wicaksana. Nirguna kabaos anaké
sané nénten kayun ngruruh kawikanan. Taler nirgawé anaké madué kawikanan, yéning
nénten kanggén ngwangun kasukertan jagat.
Ida dané sinamian, maiketan ring
puniki, titiang naenan ngwacén kata-kata
bijak asapuniki. “Bekerja keras tanpa
kecerdasan tidak akan ada gunanya; Orang cerdas yang tidak mau bekerja dengan
jujur sama dengan bohong; Tidak cerdas dan tidak mau bekerja lebih bloon lagi.
Dadosipun, ri kala ngarepin era global puniki, ngiring telebang sloka kawiné, Taki-takining sewaka guna widia. Sapa
sira ja nénten kayun malajah, pacang kalindas antuk era global, anaké sané
jemet malajah pacang sida molihgawé, ngulati kahuripan sukerta santi, sejahtera miwah damai.
Inggih, Ida-dané miwah para sameton pamilet
sané wangiang titiang.
Napi luir sané sampun
tlatarang titiang diwawu, prasida kacutetang kadi asapuniki.
0 komentar